January 13, 2018
ASSOCIATION OF UNIVERSITY STUDENTS IN LEBANON
TOEFL vs IELTS
نقاط التشابه بين امتحان التوفل والآيلتس:
1- الامتحانين منتشرين بشكل واسع ومقبولين بعدد كبير من الجامعات حول العالم.
2- الغرض منهم قياس مقدرة الشخص على التواصل باللغة الإنكليزية والتأقلم مع بيئة تستخدم فيها اللغة الانكليزية بشكل أساسي.
3- الامتحانين بيشملو نفس الأقسام: السماعي، القراءة، الكتابة، المحادثة.
4- الامتحانين نفس التكلفة تقريباً بيتراوح تكلفة الايلتس او التوفل بين 180 لـ 250 دولار وهاد الشي حسب البلد.
5- النقطة الأخيرة صلاحية الشهادة سواء التوفل او الآيلتس نفس الشي لمدة سنتين.
_________________________
نقاط الاختلاف بين التوفل والآيلتس:
1- الايلتس الو نوعين Academic / General عام وأكاديمي. (الجنرال للفيزا – الاكاديمي للجامعات والمنح) أما التوفل فقط أكاديمي.
2- التوفل فيه IBT/PBT ورقي وعن طريق النت (بمركز معتمد باستخدام كمبيوتر متصل بالانترنت)، اختبار التوفل الورقي مو بكل البلدان موجود ومالو معترف عليه متل اختبار التوفل IBT وبيختلف عنو انو مافيه قسم محادثة Speaking... أما الآيلتس نوع واحد الامتحان ورقي.
3- العلامة بالايلتس من 9 (اربع اقسام كل قسم 9 وبعدين overall المجموع تقسيم 4)
العلامة بالتوفل من 120 (اربع اقسام كل قسم 30)
4- مدة امتحان الآيلتس: ساعتين و45 دقيقة، أما مدة امتحان التوفل: 4 ساعات
5- باختبار التوفل كل الاقسام بتكون بنفس اليوم، اما بالآيلتس فاختبار المحادثة Speaking ممكن يكون بنفس اليوم او قبل او بعد (The Speaking test may be on the same day or up to seven days before or after the other tests).
_________________________
الاختلاف بكل قسم من الأقسام الأربعة بين التوفل والآيلتس:
_________________________
المحادثة: Speaking
- باختبار الآيلتس بكون مقابلة شخصية (فيس تو فيس) أما بالتوفل المحادثة تسجيل باستخدام المايك دون وجود Examiner، (ملاحظة بالايلتس بتم تسجيل المحادثة وبحال اعتراض الطالب على نتيجة المحادثة في لجنة خاصة بتسمع التسجيل وبتعيد التقييم)
_________________________
الكتابة: Writing
- امتحان الايلتس اسهل للاشخاص المتعودين على الكتابة باستخدام القلم والورقة، اما التوفل الكتابة عن طريق الكمبيوتر (اسهل للاشخاص المتعودين ع الكتابة بشكل سريع ع لوحة المفاتيح الكيبورد)
- بالتوفل ضمن قسم الكتابة في فقرة قراءة قصيرة (230 لـ 300 كلمة) عن موضوع معين (أكاديمي) وفي مدة 3 دقائق ليقرأها الشخص ويكتب ملاحظات Notes وبعدين مقطع سماعي عن الموضوع، وبعدها بيكتب الطالب مقالة بناء على المعلومات اللي قرأها وسمعها اما بالايلتس بكون نص السؤال بدون فقرة قراءة او سماعي
- قسم الكتابة بالايلتس فيه مهمة Task مو موجود مشابه الها بالتوفل، وهي وصف جدول او رسم بياني (Describing a graph, a table, or a diagram.)
_________________________
السماعي: Listening
- التسجيل الصوتي بتسمعو مرة وحدة سواء بامتحان التوفل او الايلتس، لكن بامتحان الايلتس بتقدر تشوف الأسئلة كلها قبل سماع التسجيل الصوتي وهاد بساعدك تركز اثناء السماع على الاجزاء اللي فيها الاجابة.. بالتوفل بتسمع التسجيل الصوتي وبتكتب ملاحظات سريعة، وبعدين بتشوف الاسئلة وبتحلها.
- بامتحان التوفل كل المقاطع بتكون عن مواضيع اكاديمية (محاضرات او محادثات بين طلاب)، أما بالآيلتس بكون في مقطعين انكليزية عامة 2 dialogues on general topics
_________________________
القراءة: Reading
- الاسئلة كلها اختيار من متعدد بامتحان التوفل، بينما بالايلتس فنمط الأسئلة متنوع اكتر (اختيار من متعدد، تعبئة الفراغات، اختيار عناوين مناسبة للفقرات (المقاطع)، تتمة الجملة ..)
اخيراً Must-Have Book لكل حدا بدو يقدم واحد من هالامتحانين
الدليل الرسمي للتوفل: IBT
https://drive.google.com/open?id=0B6MY92m_qDxATUJBcGF4V0ZtRkk
الدليل الرسمي للآيلتس: Academic & General
https://drive.google.com/open?id=0B6MY92m_qDxAWlc3Y1FJM2JGQzQ
أي واحد أفضل؟ هاد بيعتمد على الجهة اللي بدك تقدم عليها الجامعة او المعهد او المنحة، لازم تشوف الشروط اذا بدهم توفل او ايلتس، وغالبا بمعظم المنح الامتحانين مقبولين، الجامعات بيختلف حسب البلد.. بتقدرو تشوفو اذا بيقبلو وشو المعدل المطلوب من خلال هالرابط بالنسبة للتوفل:
http://www.toeflgoanywhere.org/search-who-accepts-toefl
لمعرفة تكلفة الامتحان (TOEFL) حسب البلد وحجز موعد
https://www.ets.org/bin/getprogram.cgi?test=toefl
بالنسبة الآيلتس هاد رابط لتعرفو اذا مقبول بالجامعة او البلد اللي ناويين تقدمو عليها:
https://www.ielts.org/about-the-test/who-accepts-ielts-scores
لمعرفة تكلفة الامتحان (IELTS) حسب البلد وحجز موعد (بتختار البلد من قائمة Country بعدين بيطلعلك شو النوع اللي بدك تقدمو جنرال او اكاديمي وتحديد المدينة بعدها بيطلع نتائج البحث التكلفة والحجز Apply)
https://ielts.britishcouncil.org/
https://www.facebook.com/groups/TOEFL.IELTS.Syrian.Students/permalink/791037547735407/
هاد لينك البوست النسخة الانكليزية عن الفرق بين التوفل والايلتس منزلو سابقاً لكن بناء ع طلب أحد الأصدقاء عملت نسخة عربية لهالموضوع باعتبار انو في أشخاص لسا مبلشين المشوار من أولو .. بالتوفيق للجميع :)
